ក្រុមអ្នកវិទ្យាសាស្ត្រអង់គ្លេស បានបង្កើតសម្ភារៈជំនួយថ្មីមួយ ដែលអាចជួយឲ្យទូរសព្ទទំនើបៗ សាកថ្មតែ១ដងប៉ុណ្ណោះ ក្នុងរយៈពេល ១សប្ដាហ៍។
សម្ភារៈថ្មីនេះ គឺជាបន្ទះអេក្រង់កញ្ចក់ ដែលអាចដាក់ស្រោបទូរសព្ទ, tablets និងនាឡិកាឆ្លាតវៃ ហើយវាពុំប្រើប្រាស់ថាមពលអ្វីឡើយ។ គុណសម្បត្តិដ៏ធំធេងរបស់សម្ភារៈថ្មីនេះ គឺវាជួយឲ្យឧបករណ៍ខាងលើទាំងអស់នេះ សាកថ្ម១សប្ដាហ៍ តែ១ដងគត់។
Dr Peiman Hosseini វិស្វករមកពីសាកលវិទ្យាល័យ Oxford University ដែលជាអ្នកបង្កើតសម្ភារៈនេះឡើង បានប្រាប់ដល់ Sunday Telegraph ថា៖ “អ្នកត្រូវសាកថ្មទូរសព្ទជារៀងរាល់យប់? ប៉ុន្តែឥឡូវបើអ្នកមានកញ្ចក់អេក្រង់ឆ្លាតវៃ អ្នកអាចសាកថ្មតែ១ដងប៉ុណ្ណោះ ក្នុង១សប្ដាហ៍”។
ការរកឃើញថ្មីនេះ ពិតជាសំខាន់ណាស់ ព្រោះថា៩០% នៃថាមពលថ្មរបស់ឧបករណ៍ប្រើប្រាស់ទាំងអស់ គឺស៊ីថ្ម ឬទាញយកថាមពល ដោយសារតែអេក្រង់របស់វា។ យ៉ាងណាក្ដី សម្ភារៈជំនួសអេក្រង់ថ្មីនេះ ពុំទាន់ប្រកាសថ្ងៃចេញលក់នៅឡើយទេ៕
